Feijóo, "o neto da señora Eladia", anuncia "impostos cero" para compras de vivenda no rural

"Aquí ninguén me chama presidente, son o neto da señora Eladia ou, como moito, o fillo de Sira e Saturnino", proclamou Feijóo, quen pediu, emocionado, o voto para o PP o 25 S. Fíxoo, no que cualificou, como "o acto máis importante da súa campaña", e unha reivindicación do rural como "motor identitario, social e emocional", de Galicia.

Feijóo presentou polo seu nome a varios dos seus veciños, aos que definiu como "xente sabia" e subliñou que no seu pobo aprendeu "máis que en calquera universidade", antes de lanzar unha mensaxe aos nacionalistas: "Ninguén ten a patente de Galicia. Galicia somos todos".

(HABERÁ AMPLIACIÓN)